Elizbarrutia, Arantzazuko Amarekin.

† José Ignacio Munilla Aguirre

Elizbarrutiaren Eguna dela eta, Donostiako gure Elizbarrutiaren 2017. Urteari dagokien ekonomia datuen berri ema- ten dizuegu argitalpen honetan. Eskertzen diot gotzaindegiko ekonomia zerbitzuari, beste lan eta betebeharren artean txosten hau prestatzen egin duen ahalegina. Gure ekonomia profesionaltasun eta gardentasun irizpideekin kudeatzeko konpromisoari eusten diogu.

Versión en castellano

Elizbarrutiaren Eguna dela eta, Donostiako gure Elizbarrutiaren 2017. Urteari dagokien ekonomia datuen berri ema- ten dizuegu argitalpen honetan. Eskertzen diot gotzaindegiko ekonomia zerbitzuari, beste lan eta betebeharren artean txosten hau prestatzen egin duen ahalegina. Gure ekonomia profesionaltasun eta gardentasun irizpideekin kudeatzeko konpromisoari eusten diogu.

Kurtso honetan zehar ondarearen berregituratze proiektura gauzatzera goaz helburu honekin: gure ondare higiezinaren zati bat alokatu, sarrera eramangarriak izan eta gure ondare erlijiosoa zaintzeko. Berregituratze honen lehenengo urratsa hauxe izango da: gotzaindegiaren egoitza seminariora aldatzea. Bigarren urratsa berriz, gotzainaren etxea eta bulegoa Artzain Ona katedralera eramatea. Era honetan aipatutako helburuarekin alokatu ahal izango ditugu Zabaleta 5ean eta Urdaneta 10an ditugun ondasunak.

Uztailean egin genuen Kontseilu Presbiteralaren ezohiko batzarra, eta bertan aurkeztu genuen zehaztasunez ondarearen berregituratze asmo hau, guretzat hain muinekoa den elizbarrutiko kuriaren kokapenari eragiten diona. Ahalegin hau guztiona eta guztiontzat izatea espero dugu, baliabide gutxien dituzten parrokiei etorkizunean bere ondarea zaindu ahal dezaten laguntzeko.

2018-2019 ikasturtean aukeratuko dugu Elizbarrutiko Pastoral Kontseilu berria ere, Elizbarrutiaren Pastoral Marko berria onartzea bere lehen egitekoa izango duelarik. Ahalegin honek guztiak ez du Ebanjelioa zerbitzea beste helbururik, Gipuzkoako lurraldean bizi diren gure garaiko gizon-emakumeen mesedetan. Etengabeko bereizmenean ari den Elizbarrutia izan nahi dugu, Jainkoak gurekiko dituen asmoak aurkitzeko; eta, aldi berean, ausartak izan behar dugu, bereizten duguna gauzatzen joateko.

Belaunaldi berriei fedea transmititzea da gure erronka nagusia. Egin berria da Erroman Gotzainen Sinodoa goiburu honekin: «Gazteak, fedea eta bokazio bereizmena». Sinodo horretatik eratorriko diren hausnarketak jasotzeko adi egongo gara, bereziki aita santuak argitara dezakeen aholku-hitza jasotzeko. Arantzazuko Amaren egunean, Gipuzkoako zaindaritzaren mendeurrena ospatzen genuenean hauxe esan nuen homilian: «Garai honetako gazteek jaso dezaketen altxorrik ederrena Kristoren Ebanjelioa dela sinesten dugu zinez». Arantzazuko izenez maite dugun Zeruko gure Amaren eskutik, fedearen transmisio lan honetan gure buruak oso-osorik eskaintzeko konpromisoa hartzen dugu.

Artículos Destacados